IKUSMEN-URRITASUNA
Zer da
Ikusmen-urritasunaz hitz egiten denean, nahasmen handia egon ohi da erlazionatutako hainbat terminoren artean, baina desberdintasun nabarmenak daude. Gauza bera al dira ikusmen murriztua eta ikusmen-urritasuna? Jarraian azalduko dizugu:
Ikusmen
ona
Ikusmen-zolitasuna:
ikusmenaren % 80 edo gehiago
Ikuseremua:
90º
Ikusmen-urritasun arina
Ikusmen-zolitasuna:
ikusmenaren % 30 edo gehiago
Ikusmen murriztua
Ikusmen-zolitasuna:
% 10 eta % 30 arteko ikusmena
Ikuseremua:
10º eta 20º arteko muga
Legezko itsutasuna
Ikusmen-zolitasuna:
% 10eko ikusmena edo txikiagoa
Ikuseremua:
10ºko muga baino gutxiago
ZER DA IKUSMEN-URRITASUNA?
Ikusmen-urritasuna ikusteko gaitasunaren galera osoa edo partziala da, eta ez da zuzentzen betaurrekoekin, ukipen-lenteekin, tratamendu farmakologikoekin edo kirurgiarekin.
Ondorioz, eguneroko bizitzako oinarrizko zeregin batzuk egiteko ezintasuna dakar, hala nola irakurtzea, idaztea, aurpegiak ezagutzea, mugitzea, etab. Intentsitate desberdinez ager daiteke, eta kausak genetikoak, sortzetikoak, traumatikoak edo begietako gaixotasunen ondoriozkoak izan daitezke.
Osasunaren Mundu Erakundearen sailkapenaren arabera, ikusmen-urritasunak honako hauek biltzen ditu:
- Ikusmen-urritasun arina
- Ikusmen-urritasun moderatua
- Ikusmen-urritasun larria
- Itsutasuna
2 parametro hauek erabiltzen dira ikusmen-urria zehazteko:
Ikusmen-zolitasuna
Objektuen formak distantzia jakin batera bereizteko gaitasuna da. Tamaina beherakorreko letra edo irudi geometrikoen (optotipoak) probarekin neurtzen da, lerro bakoitzak % 10eko ikusmen-zolitasuna ezarrita.
Ikuseremua
Begiak ikus dezakeen angelua da, eta 90o dagokio begi bakoitzari. Ikusmen-eremu normala duen pertsona batek 180o-ko zabaleran ikus ditzake objektuak plano horizontalean, eta 140o-ko zabaleran bertikalean.
Munduan, gutxi gorabehera, 180 milioi pertsonak dute ikusmen-urritasunen bat.
ZER DA IKUSMEN MURRIZTUA?
Ikusmen murriztua ikusmen-urritasun mota espezifiko bat da, ikusmen- zailtasun moderatuak eta larriak barne hartzen dituena.
Honako egoera hauetan diagnostikatzen da: ahalik eta zuzenketarik onena egin ondoren (betaurrekoak edo kirurgia), begirik onenean ikusmen-zolitasuna 0,3 baino txikiagoa denean (ikusmenaren % 30), edo ikusmen-eremua oso txikia denean (20 gradutik beherakoa).
135 milioi pertsonari baino gehiagori eragiten die munduan, eta 2 milioi pertsonari baino gehiagori Espainian.
ZER DA ITSUTASUNA?
Itsutasuna ikusmen-urritasun mota espezifiko bat da, eta honako hauek hartzen ditu barnean:
LEGEZKO ITSUTASUNA: pertsonaren ikusmen-zolitasuna 0.1 edo txikiagoa da ( % 10eko ikusmena) begirik onenean eta/edo 10 graduko ikuseremua edo txikiagoa.
- ITSUTASUN PARTZIALA: pertsonak argia, bultoak eta ingeradak hautemateko gaitasunaz gain, kolorearen ñabardura batzuk etab. ere antzeman ditzake.
- ERABATEKO ITSUTASUNA: pertsonak ez du inolako ikusmen-estimulurik hautematen, ezta argirik edo iluntasunik ere.
Kalkuluen arabera, 40-45 milioi pertsona itsuak dira munduan.